سفارش تبلیغ
صبا ویژن

باکی اسلان یئریدی - شعر

باکی اسلان یئریدی

اشاره: این شعر در همایش حمایت از آذربایجان، روز 11 خرداد 91  در ارومیه توسط علی صلاحلو (شاهد) قرائت شد:

باکی اسلان یئریدی

مُدعی فرض ایلمه سن، باکو جولان یئریدی

آذری نسلینه غیرت باغی، وجدان یئریدی

بورا ناموس و شرف مکتبیدی، حُجب و حَیا

دینه محکم قالادور، مکتب قرآن یئریدی

بورا "عبدالغنی" نین یوردی، "جواد خان" بئشیگی

"علی اِکرام" کیمی غیرتلی مسلمان یئریدی

بؤیودوبدور قوجاغیندا بورا شاعرله، ادیب

عُلما و عُرفا مکتبی، عرفان یئریدی

دوزرَم بیر صَفه صابرله،   نظامی لری من

صَف دیگرده فضولی لر و خاقان یئریدی

وار حیالی آنالار، قیز، خاتین، عصمتلی گلین

سارا، شیرین اوباسی، هاجر دوران یئریدی

نه ییغیبسان باشیوا بیر بئله اوباش و دَنی

فکر ائدیرسن بورا دا جاهل و نادان یئریدی؟

منی مجبور ائلمه تا سؤزو بی پَرده   دئییم

آتا هاردان کی کئچیبدی، بالا اوردان یئریدی

آراز آخدیقجا   وئریر جان   کی بو دَشت ودَمَنه

جوشاجاق بیر گونی، گؤر سو یئرینه قان یئریدی

باکی دور جان شیشه سی ، وُورسان اگرسنگ جفا

اوندا    بیل   صادر اولوب   قتلیوه فرمان یئریدی

سَس اوجاتسام ، دَلی لر سَس وئره جکدیر سَسیمه

چَنلی بیلدن گؤرجکسن، نئچه گردان یئریدی

وئره جک سَس سَسَه خوی ،اورمیه، زنجان ومغان

اوندا گؤردون باکی، تبریز، شکی، شروان یئریدی

بیرلشرلر کؤمکه گیلک و لر، کرد و بلوچ

فارس ، عرب فرق ایله مز بیرلشیب ایران یئریدی

همدان، کرمان و کاشان، خراسان، اهواز، اراک

اصفهان، قم، آبادان، آستارا، تهران   یئریدی

"شاهدا" یاز بو سؤزو ، مدعی غربیله بئله

تولکی جولان ائده بیلمز، باکی اسلان یئریدی

علی صلاحلو ( شاهد )

اورمیه شهری –

تلفن: 09143488537